ሓደ ብዕድመ ዝደፍአ ሰብኣይ፡ ብዛዕባ እቲ ዝቐረበ ሞቱ ርግጸኛ ነበረ፡ ምስ ሓኪሙ ኣብ ህይወት ዘለዎ ርድኢት ከካፍል ወሰነ። " ዶክተር ኣይትሻቐል። ክመውት ምዃነይ እፈልጥ’የ። ናብዚ ክመጽእ ኣይደለኹን ግን ናብዚ ኣምጺኦምኒ።"
በጃኹም ብዛዕባይ ኣይትጨነቑ፡ ጸጉረይ ረኣዮ፡ ቆርበተይ ረኣዮ ኩሉ ኣሪጉ። ኣነ ብጣዕሚ እየ ኣሪገ ንስኻ ግን ኣዝዩ ንእሽቶ ኢኻ። ካብ ህይወት ብዙሕ ተማሂረ’የ፣ ቅድሚ ምሟተይ ገለ ካብኡ ክነግረካ’የ።
-ወዲ 4 ዓመት ከለኹ ዓለም ብዛዕባይ እያ ኢለ እየ ዝሓስብ ነይረ።
-14 ዓመት ምስ መላእኩ፡ ንዓለም ክገዝኣ እደሊ ነይረ። ካብ ዝነበሩ ሰባት እቲ ዝዓበየ ሰብ ክኸውን እየ ኢለ ሓሲበ።
-ወዲ 21 ዓመት ከለኹ፡ እቲ ዝሃብተመ ሰብ ክኸውን ደልየ፡
- ወዲ 25 ዓመት ከለኹ፡ ፍቕሪ ክረክብ ደልየ፡
-ወዲ 40 ዓመት ከለኹ፡ ንኹሉ ሰብ ሓጋዚ ክኸውን ደልየ ነይረ።
ሕጂ ኣብዚ ስለ ዘለኹ ክመውት ደልየ ኣለኹ። ርኢኻ ኣለኻ ኣብ ብዙሕ ግዜ ብዙሕ ነገራት እየ ዝደሊ ነይረ። ብዓቢኡ ድማ ሕጉስ ክኸውን እየ ዝደሊ ነይረ። ሕጉስ ክትከውን እቲ ዝበለጸ መገዲ ንኻልኦት ምስማዕ እዩ ኢለ ሓሲበ።
ናብ ዩኒቨርሲቲ ክኣቱ ኣብ ዝደለኹሉ እዋን ዞሎጂ (ዓውዲ ስነ-እንስሳ) ክመሃር ደልየ ነይረ ግን ኩሉ ሰብ ኢንጅነሪንግ ክመሃር መኺሩኒ። ስለዚ ድማ ሰሚዐዮም፣ ናይ ትምህርቲ ዝኸፍል ሰብ ኣይነበረንን፣ ክሰርሕን ክፍሊተይ እውን ክኸፍልን ነይሩኒ። ኣብ ሳልሳይ ዓመት ትምህርተይ ክጻወሮ ኣይከኣልኩን። ትምህርቲ ኣቋረጽኩ፣ እቶም ሰባት "ዞሎጂ ክትመሃር ነይሩካ" ኢሎምኒ!
28 ዓመት ምስ መልእኩ ኩሉ ሰብ ክምርዖ ኣለኒ ኢሉኒ። ስለዚ ሰሚዐዮም፣ ተመርዕየ። 6 ዓመት ሓዳር ምስ ገበርኩ፡ በዓልቲ ቤተይ ምስ ጎረቤተይ ክትድቅስ ሒዘያ። ስለምንታይ ኢለ ሓቲተያ ንሳ ድማ ጸፊዓኒ። ኣነ’ውን ተቖጢዐ ግን ዋላ ሓንቲ ኣይበልኩን። ንጽባሒቱ ካብ ስራሕ ምስ ተመለስኩ፡ ምስ ደቀይ ሃዲማ፡ ሕጂ ጽምዋ ዝመልኦ ሰብኣይ ኮይነ ይመውት ኣለኹ።
ወዲ 40 ዓመት ከለኹ ዓቢ ውዕል ረኺበ። ስመይ ኣብ ዜና ኔሩ። ንጽባሒቱ ኩሎም ኣዕሩኽተይን ቤተሰበይን ኣብ ገዛይ ነበሩ፡ ኩሉ ሰብ ከቢድ ጸገም ኣጋጢምዎ። ኣብ ውሽጢ ሓደ ሰሙን ድማ ክመልሱ እዮም ዝብል መብጽዓ ኣትየ ኩሉ እቲ ገንዘብ ኣብ ልዕሊኦም ኣውጺአዮ። ከምቲ ቃል ዝኣተውዎ ገንዘብ ምምላስ ስለ ዝኣበዩኒ ነቲ ውዕል ክውድኦ ኣይከኣልኩን። ስለዚ ን6 ዓመት ናብ ቤት ማእሰርቲ ተላኢኸ።
እዚ ኩሉ ግዜ ዝሓለፍክዎ ሓንቲ ጌጋ ነይራ። ሕጂ ንዓይ ንጹር ኮይኑኒ። ብዛዕባኡ ክነግረኩም። ንነብሰይ ምስማዕ ኣብየ። ንነብሰይ ሸለል ኢለ ንኻልኦት እሰምዕ ነይረ። ሕጂ ኣብዚ ስለ ዘለኹ እቲ እንኮ ምሳይ ዘሎ ሰብ ባዕለይ እየ።
ትርእዮ ኣለኻ ንኻልኦት ምስማዕ ብጣዕሚ ጽቡቕ እዩ። ካብ ካልኦት ምኽሪ ምሕታት ኣዝዩ ጥበባዊ እዩ። ንገዛእ ርእስኻ ሸለል ምባል ግን ኣዝዩ ሓደገኛ እዩ። ንልብኻ ኣቓልቦ ዘይምሃብ ኣዝዩ ኣዝዩ ሓደገኛ እዩ።
ሎሚ ምሸት ገዛ ምስ በጻሕካ ኮፍ በል፡ ብርጭቆ ማይ ውሰድ። እንተደሊኻ ኣዒንትኻ ዕጸው ወይ እንተደሊኻ ክፈቶ፡ ድሕሪኡ ምስ ነብስኻ ተዛረብ፡ ምስ ነብስኻ ምኽንያት። በይንኻ ኣብቲ መንገዲ ክትከይድ ትኽእል ኢኻ፡ እናተጓዓዝካ ድማ ምስ ነብስኻ ክትዛረብ ጀምር።
እቲ እንኮ ንነብስኻ ክስዕራ ዝኽእል ሰብ ኣምላኽ እዩ ድሕሪ ኣምላኽ ቀጺልካ ንነብስኻ ስምዓያ። ሕጂ ትርጉም ዘይክህልዎ ከም ዝኽእል እፈልጥ እየ ግን ኩሉ ግዜ ዘክር ንነብስኻ ክትሰምዕ ተማሃር ከም ዝበልኩኻ።
