ኣለምሰገድ ተስፋይ፣ ሓደ ካብ ጸለውቲ ኤርትራውያን ደረስቲ

ኣብ ስነ ጽሑፍ ትግርኛን ምስናድ ታሪኽ ኤርትራን ዓቢ ኣስተዋጽኦ ካብ ዝገብሩ ዘለዉ ዜጋታት ሓደ እዩ። ብፍላይ እተን `ኣይንፈላለ’ ዝብላ መጽሓፍቲ  ዳርጋ ኣብ ናይ ነፍሲ ወከፍ ዜጋ ከብሒ መጻሕፍቲ ሃሰስ ኢልካ ዘይሰኣና እየን።

ገለ ካብ ስርሓቱ ምስ ንዕዘብ፣-

ወዲ - ሓደራ

ካብ ባድመ ናብ ሳሕል

ልኡል

እቲ ካልእ ኩናት

 ልቢ ተጋዳላይ

 ክልተ ቕነ ኣብ ድፋዓት

 ጊታኖ

ጥምጥም ኣብ ገጀረት ዝኣመሰሉ ክጥቀሱ ይኽእሉ።

 እዚ ደራሲ ብቋንቋ እንግሊዘኛ ውን ብዙሕ ስራሕ ኣበርኪቱ`ዩ። Two weeks in Trenches እትብል ሓጻር ታሪኽ ውን ዓለምለኻዊ ተቐባልነት ዘለዋ ብቕዕቲ ጽሕፍቲ ምኳና`ዩ ዝንገረላ። ብዘይካኣ ውን post conflic eritrea ( co-editor with Martin Dornbos, 1998) እትብል ናይ እንግሊዘኛ መጽሓፍ ኣበርኪቱ`ዩ።

ብቕዲ ኣጸሓሕፍኡን ዘይብተኽ ዋሕዚ ሓሳባትን ፡ ልዕሊ ኩሉ ድማ ብቕዓትን ምልከትን ቋንቋ ትግርኛ ብኣምበብቲ ወትሩ ምስ ተደነቐ`ዩ። ኣለምሰገድ ንታሪኽ ብመሳጢን ብኣዛናዪን መንገዲ ገይሩ ስለ ዘቕርቦ ከተንብቦ ጽሑፋቱ ኣይዓጽቀካን`ዩ።

 ኣለምሰገድ ተስፋይ ኣብ 1944 ኣብ ዓዲ ዃላ ተወሊዱ፡፡ ብ1969 ኣብ ኢትዮጵያ፡ ብ1972 ድማ ኣብ ሕቡራት መንግስታት

ኣመሪካ ብሞያ ሕጊ ናይ ባችለርን ማስተርስ ማዕረግ ተመሪቑ። ብ1974 ናይ ዶክትረይት ትምህርቱ ኣቋሪጹ፡ ኣብ ህዝባዊ ሓይልታት ሓርነት ኤርትራ ብምስላፍ ፡ ክሳብ ናጽነት ኣብ ክፍልታት ህዝቢ፡ ትምህርቲ፡ ባህሊ፡ ምንቅቓሕን ዜና ኣገልጊሉ፡፡ ንሱ ኣብዚ ግዜ`ዚ ድማ ኣብ ቤት ጽሕፈት ምርምርን ስነዳን ኤርትራ RDC ብምኳን`ዩ መጽናዕታዊን ምርምራዊ ስራሓት ኣብ ምክያድ ዝርከብ።