ዘይትውዕሎ ቃል ኣይትእቶ

ኣፍቃሪትካ ናይ መርዓ ክዳን/ ቬሎ ተኸዲና ኣብ ቤተ ክርስትያን ዘይትረኣየካ እንተኮይና። በጃኻ ግዜኣ ኣይተባኽን፣ ወይ ክትሕልዎ ዘይትኽእል ቃል ኣይትእቶ። ብልቢን ውሽጣዊ ስምዒትን ሃንቀውታን ምጽዋት ይቕረ ዘይበሃሎን ዝጎድእን ነገር እዩ፣ ብፍላይ ኣብ ሓዳርን መጻኢ መደባትን። ሓዳር ናይ ሂወት ዓቢ ምዕራፍ እዩ !!

ስለዚ ብዛዕባ ዕላማኻን ድሌታትካን ብቕንዕናን ግልጽን ምሕባር ኣገዳሲ እዩ። ምስ መጻምድትኻ ነዚ ስጉምቲ ክትወስዶ ድሉው ወይ ፍቓደኛ እንተዘይኮንካ፡ ክፉትን ቅንዕናን ዘለዎ ዝርርብ ግድን ይኸውን። ንሓደ ሰብ መሪሕካ ሕልሙ ካብ ምጭፍላቕ፡ ስምዒታትካን ፍርሕኻን ምዝታይ ዝሓሸ`ዩ።